Пятница, 17.08.2018, 16:44
Приветствую Вас Гость | RSS

Табагинская школа имени Р.А.Бурнашова

Меню сайта
Статистика

Онлайн всего: 3
Гостей: 1
Пользователей: 2
aptrundeuZeby, Malinacah
Главная » 2018 » Апрель » 25 » Юбилейи көрсө.
06:40
Юбилейи көрсө.

             Быйылгы үөрэх сыла биһиги оскуолабытыгар ураты сыл. Биһиги тапталлаах оскуолабыт өрөгөйдөөх 100 сыллаах юбилейигэр бэлэмнэнии сыла. Соторутааҕыта бу бэлиэ сылбытын арыйар үөрүүлээх тэрээһиҥҥэ  мустубуппут.

      Үйэ кэриҥэ аннараа өттүгэр Тараҕайга уонна ыаллыы Моорук, Чалҕаа нэһилиэктэригэр үөрэхтээһин саҕаламмыта. 2018 сыллаахха Бэрэ алааһыгар саҥа оскуола аһыллан, оҕолору билии киэҥ аартыгар угуйбута. Эдэркээн учуутал Гаврильев Михаил Прокопьевич сыралаах үлэтин саҕалаабыта.

      100 сыл. Биир үйэ. Бу кырата суох кэм устата биһиги төрөөбүт оскуолабыт араас дьылы-кэми туораан, үгүс уларыйыылары көрсөн кэллэ. Бу кэм устата 1000-нан үөрэнээччилэр оскуоланы ситиһиилээхтик бүтэрэн, араас идэни баһылаан, республика элбэх улуустарыгар, куораттарыгар үлэлии-хамсыы сылдьаллар.

      Өрөгөйдөөх юбилей сылын оскуола оҕолорун, учууталларын, техүлэһиттэрин хора арыйбыта, кинилэр оскуола выпускниктара Парасковья Титовна Макарова тылларыгар, Николай Иннокентьевич Степанов мелодиятыгар «Оскуола өрөгөй ырыатын» толордулар. Манна барыта 156 киһи кытынна. Хору салайда ырыа учуутала Мария Диодоровна Елисеева, баяҥҥа доҕуһуоллаата Саха республикатын баянистары түмсүүтүн бэрэссэдээтэлэ, Табаҕатааҕы искусство оскуолатын преподавателэ Мичил Березкин.

       Тэрээһиҥҥэ кэлбит ыалдьыттары эҕэрдэлээтэ уонна юбилейдаах сылы аһыллыбытынан биллэрдэ оскуола директора Наталья Вацлавовна Бурнашева. Ыалдьыттарынан бу үөрүүлээх күн буоллулар – Клавдия Михайловна Бурнашова, Р.А.Бурнашов кэргэнэ, А.А.Григорьева, РФ пенсионнай Фондатын Мэҥэ-Хаҥаластааҕы Управлениеты начальнига, Захаров К.А., улуустааҕы дьиэ-кэргэн уонна ыччат политикатын Управлениетын начальнига, Брызгалов А.Р., спорт Управлениетын начальнига, үөрэх Управлениетын специалистара, ветеран учууталлар уо.д.а. Клавдия Михайловна оҕолору кытта ветеран учууталлар сквердарыгар 5 яблоня маһын олорто.

       Юбилейи көрсө оскуола улахан былаан ылынан үлэтин саҕалаата, онтон сороҕун билиһиннэрдэххэ маннык: күһүн эрдэ оскуола иннигэр 100 хатыҥ олордулунна, оскуола историятын кэпсиир кинигэ, 100 бастыҥ уруоктар диэн электроннай брошюра матырыйааллара хомулла сылдьаллар, оранжереяҕа 100 кыһыҥҥы сибэкки олордуллуохтаах, оскуола маҥнай аһыллыбыт сиригэр Бэрэҕэ Мэҥэ бэлиэ, кабинеттарга урут үлэлээн ааспыт учууталларга аналлаах мини-музей стендэлэрэ туруоруллуохтаахтар.

 

Толя Брызгалов. 6 кылаас

Просмотров: 20 | Добавил: Admin | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Форма входа
Логин:
Пароль:
Поиск

Президент России

Президент Республики Саха (Якутия)

МР Мегино-Кангаласский улус

Наша новая школа

Наша новая школа - СКМО

Реском профсоюза РС(Я)

Горячая линия


Copyright TNTSAKHA © 2018
Сделать бесплатный сайт с uCoz