Суббота, 30.05.2020, 05:51
Приветствую Вас Гость | RSS

МБОУ "Табагинская СОШ им. Р.А.Бурнашова" МР "Мегино-Кангаласский улус" 678077, Республика Саха (Якутия), Мегино-Кангаласский район,село Табага, пер. Школьная 3

Статистика

Онлайн всего: 1
Гостей: 1
Пользователей: 0
Главная » 2018 » Апрель » 25 » Статья С.Юлии
06:52
Статья С.Юлии

    Мэҥэ-Хаҥалас Табаҕатыгар өссө биир интэриэһинэй киһи олорор. Кини – оҕолу ас астыырга, араас тэттик сувенирдары оҥорорго үөрэтэр-такайар салайааччыбыт – Людмила Афанасьевна Григорьева.

    Биһиги, кыргыттар, технология уруоктарыгар эмиэ да тигэр, эмиэ да ас астыыр этибит. Арааһа, ол кэмтэн кулинарияҕа сылдьыахпын баҕарар буолбуппун быһылаах. Кылааһым кыргыттарын кытары аспытын-үөлбүтүн үллэстэн баран, дьэ, ас бөҕөнү астыыр этибит! Людмила Афанасьевна сүрдээҕин көмөлөһөрө «кыра сэкириэтэрин» да арыйара. Перемена буоллаҕына оскуола оҕолоро минньигэс ас сытыгаруйдаран кулинария кабинетын хайаан да өҥөйөллөрө. Мин санаабар, хас биирдии оҕо, улахан лда киһи минньигэс аһы сөбүлүүр, сэргиир. Людмила Афанасьевнаҕа оҕолор сөбүлээн, интэриэһиргээн сылдьаллар.

    Бу соторутааҕыта 18 сыллаах үлэтин түмэр семинара буолла. Манна уонтан тахса ыалдьыт кэлэн, өссө биирдэ сыралаах үлэтин иһин махтанан бардылар. Людмила Афанасьевна «Харысхал» айар авторскай куруһуогар бэһис, алтыс кылаас оҕолоро сылдьаллар. Бу күн кинилэр технологическай үлэ каартатын туһанан кыра «Унтуу» сувенир оҥордулар. Саҕалыахтарын иннинэ салайааччылара нап-нарын куолаһынан: «Дьиэ диэн көмүс уйа, ытык өйдөбүл, ийэ аҕа сынньанар сирэ, ол иһин дьиэбитин сахалыы тыынныыр наадалаах»  - диэт, урут куруһуокка дьарыктаммыт оҕолор үлэлэрин, оҥоһуктарын – хартыыналарын көрдөртөөтө.

    «Харысхал» куруһуок оҕолоро үөрэ-көтө сувенирдарын оҥорон бүтэрдилэр. Кырдьык-хордьук сайылык оҕолорун курдуктар, оннооҕор, сахалы ырыа мелодията иһиллэр. Ыалдьыттарбыт санааларын үллэстээри хаартыска бөҕөҕө түһэрдилэр. Ол кэмҥэ «Харысхал» выставката үлэлээтэ. Бу манна Людмила Афанасьевна 18 сыл үлэлээбит үлэтин түмүгэ, оҕолорун хартыыналара бааллар. Олортон сорхторо :

     Бурнашев Женя уонна Никитин Игорь «Харысхаллары сахалыы тыыннаах дьиэ миэбэлин оҥоһуутугар туттуу» диэн докладтарынан Самара куоракка Аан дойдутааҕы научнай-чинчийэр конференцияҕа стиһиилээхтик кыттан кэлбиттэрэ. Ону таһынан Республика таһымнаах выставкаларга элбэх наҕараадалаахтар.

     Онтон атын хоска Людмила Афанасьевна урукку үөрэнээччилэрэ: Татьяна Григорьева уонна Анастасия Софроновна Винокурова ас бөҕөнү астаабыт этилэр. Киирдиҥ даҕаны киһи хараҕа халтарыйар кэрэ көстүүлээх минньигэстэр! Манна бисквитнай, медовай, быар, балык туортара, иҥин араас дьэрэкээн дьүһүннээх пончиктар, улар уйата, чохоонноо лэппиэскэ, кейк-попс, коптейкалар, эттээх юлинылар, халадьыас, хтта, хаан, балык, хаптаҕас уонна сугун барыанньалара, салааттар, оннооҕор туртас этэ баар этэ!

    Анастасия Софроновна мастер-кылааһыгар кыһыл баархаттаах туорт оҥорорго үөрэппитэ. Маны кэрэ аҥаардар олус диэн сэҥээрдилэр, рецебын суруннулар аҕай. Икки хамаандаҕа арахсан олус диэн көрдөөхтүк астаатыбыт.Анастасия бэйэтэ урут закааска туорт оҥорон атыылыыр эбит, онтон билигин Майаҕа кулинарнай аска туттуллар насадкалартан саҕалаан туорт хахтарыгар дылы атыылыыр маҕаһыыннаах эбит. Маннык курдук эбии үөрэҕи эдбэх киһи туттар, эбии харчы оҥор буолуохтаах. Людмила Афанасьевна бэйэтэ олус сэмэй, холку майгылаах буолан өҥөтө даҕаны, дьүөгэлэрэ даҕаны элбэх. Бу айар үлэтин тухары кинини кытары Полина Григорьевна, Мария Диодоровна, Татьяна Анатольевна итиэннэ повардарбыт : Мария Васильевна, Татьяна Николаевна күүс-көмө буолаллар. Кини туруоруммут сыалын хайаан да ситиһэр, хайаан да үлэтин түмүктүүр ураты хаачыстыбалаах.

    Людмила Афанасьевна авторскай үлэтин туһунан улуустарга үөрэх управлениелара 50 страницалаах брошюра таһаарбыттар. Ол брошюра иһигэр кини бэйэтин этиилэрэ, хаартыскалара, оҕону сатабылга үөрэтии программата «Харысхал», «Кулинария» куруһуоктар ситиһилэрэ, педагогтарга материал, эҥин араас мастер-кылаастар уонна профориентационнай тестаах анкеталар киирдилэр.

     «Харысхал» айар үлэ оҕолорун хартыыналара:

 Григорьев Ваня «Айылҕам бэлэҕэ» диэн хартыынатын тирииттэн итиэннэ сукунаттан оҥорбут, Брызгалова Сахаайа «Маҥнайгы хаар» тирииттэн, «Дьикти көстүү» хартыынатын балык уҥуоҕуттан оҥорбут! 2015 сыллаахха оскуола инновационнай үлэтин түмүгүнэн Саха Республикатын Президенын 500 тыһыынчалаах гранын ылбыта, онно кулинария куруһуогун кабинетыгар анаан араас оборудование ылыллыбыта.

    Семинартан эбии үөрэхтээһин педагогтара сүрдээҕин астынан, элбэҕи билэн-көрөн тарҕастылар.

    «Харсыхал куруһуок үөрэнээччилэрэ.»

Юлия Санникова, 10 кылаас

Просмотров: 96 | Добавил: Admin | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Форма входа
Логин:
Пароль:
Поиск

Президент России

Президент Республики Саха (Якутия)

МР Мегино-Кангаласский улус

Наша новая школа

Наша новая школа - СКМО

Реском профсоюза РС(Я)

Горячая линия


Copyright TNTSAKHA © 2020
Сделать бесплатный сайт с uCoz